Roma Papası Rusiyanı imperializmdə ittiham etdi

Roma Papası Fransisk Rusiyanı Ukraynada silahlı işğal, ekspansionizm və imperializmdə ittiham edərək, münaqişəni amansız və mənasız işğalçı müharibə adlandırıb.

AzVision.az “Reuters”ə istinadən xəbər verir ki, Romada pravoslav liderlərdən ibarət nümayəndə heyəti qarşısında çıxış edən Papa müharibəni xristianların qarşıdurması adlandırıb.

“Münaqişədə olan xalqlar arasında sülhü təşviq etmək xristianlar arasında barışıq bu günlərdə son dərəcə aktualdır. Çünki dünyamız çoxlu sayda xristianların bir-biri ilə vuruşduğu qəddar və mənasız təcavüz müharibəsi ilə məhv edilir” deyə Papa qeyd edib.