Putin İsveç və Finlandiyanın NATO-ya daxil olmasından danışdı

Rusiya prezidenti Vladimir Putin bildirib ki, İsveç və Finlandiyanın NATO-ya daxil olmasına ölkənin reaksiyası bu hərbi-siyasi blokun infrastrukturunun genişlənməsindən asılı olacaq.

“Problemlər sıfırdan yaradılır”, – TASS Rusiya liderinin sözlərini sitat gətirib.

Putin əlavə edib ki, onun ölkəsinin İsveç və Finlandiya ilə heç bir problemi yoxdur, ona görə də bu dövlətlərin sadəcə NATO-ya daxil olması birbaşa təhlükə yaratmır.