“NATO bu yay bizimlə bağlı qərar verməlidir” – Zelenski

“Ukraynanın NATO-ya daxil olması ilə bağlı ümidlər getdikcə daha da uzaqlaşır”.

AzVision.az “Agora” agentliyinə istinadən xəbər verir ki, bunu Ukrayna prezidenti Volodimir Zelenski deyib.

“Həm azadlıq uğrunda mübarizə aparan əsgərlər, həm də xalqımız adından bu məyusluğu burada ifadə etməli olduğum üçün üzr istəyirəm”, – deyə Zelenski bildirib.

Prezident vurğulayıb ki, qərarların qəbul edilmə vaxtı çatıb və NATO builki yay sammitində Ukraynaya üzvlük haqqında məlumat verməlidir.

Zelenski həmçinin bildirib ki, ölkəsi NATO-ya üzv olmağa hazırdır və alyansın özünün buna hazır olmasını gözləyir.