Azinforum.az İnformasiya Portalı Onlayn Xəbər Portalı
Səudiyyə Ərəbistanında keçən il korrupsiyaya yol vermələri səbəbi ilə həbs edilən krallıq şahzadələrinə işgəncə verilməsi iddiaları ABŞ mətbuatında yenidən gündəmə gəlib.
Xatırladaq ki, həmin ərəfədə 11 şahzadə, onlarla biznesmen, hərbçi daxil olmaqla 208 şəxs saxlanılmışdı.
Səudiyə Ərəbistanının keçmiş kralı Abdullahın dövründə yüksək vəzifə tutmuş şəxlsərin, həm digər şahzadələrin, həm də özlərinin bank hesablarındakı pulları açıqlamaları üçün fiziki işgəncəyə məruz qaldıqları barədə xəbərlər əslində həmin vaxtdan ortaya çıxmışdı.
Krallığın baş prokuroru Şeyx Səud Əl Mücəb korrupsiyanın məbləğinin 100 milyard dollar olduğunu söyləyərək, həqiqətən bəzi şəxlsərin bank hesablarının dondurulduğunu təsdiqləmişdi.
Gələn xəbərlərdə kral Abdullahın oğlunun baş müşaviri general-leytenant Əli Kahtaninin məhz işgəncələr altında dünyasını dəyişdiyi açış şəkildə dilə gətirilir. Səudiyyəli hüquq-mühaifizə orqanlarının Əli Kahtanidən şahzadə Türki bin Abdullah haqqında məlumat verməyi tələb etdiyi qeyd olunur.
Hələ keçən ilin sonlarında “Al-Cuds-Al-Arabi” saytı general Əli Kahtaninin elektrik stuluna bağlanaraq öldürüldüyü, onun meyidinin alınan elektrik cərəyanından tanınmaz hala düşdüyünü xəbər etmişdi.
Böyük Britaniyanın “DailyMail.com” saytı isə Məhəmməd bin Salmanın işgəncələr üçün Səudiyyə Ərəbistanının hüquq-mühafizə orqanlarına etibar etmədiyi, bu məqsədlə ABŞ-dan gətirilən xüsusi özəl şirkətin “əməyindən” yararlandığını yazmışdı.
Həmin ABŞ şirkətinə mənsub işgəncə “ekspertlərinin” həbs edilən şahzadələri istintaq zamanı döydüyü, ayaqlarından asəldığı, onları ağır şəkildə təhqir edikləri barədə informasiyalar yenə də ABŞ mətbuatının əsas mövzularından birinə çevrilib.
Mətbuatda çıxan informasiyalara görə, əsas hədəflərdən biri də şahzadə Əl-Vəlid bin Talalın hədsiz sərvətini ələ keçirmək olub.
Dünyanın ən verlı adamlarından sayılan əl-Vəlid bin Talalın həqiqətən 6 milyard dollar pul qarşılığında azad edildiyi informasiyası da əsassız deyil. Belə ki, şahzadə bin Talal “Bloomberg tv”yə verdiyi müsahibədə hökumət ilə sazişə getdiyini etiraf edib.
