Bazar , Oktyabr 17 2021
Ana səhifə / Dünya / İsrail və İran arasında dəniz mübarizəsi aktivləşib

İsrail və İran arasında dəniz mübarizəsi aktivləşib

Son illər İsrail və İran donanmaları arasında dəniz mübarizəsi aktivləşib və hər iki ölkə bir-birinin gəmilərinə bir sıra hücumlar təşkil edib.

Bu barədə “The New York Times” qəzeti yazıb.

“İsrail və İran uzun illərdir ki, Orta Şərqdə, əsasən də quruda və havada gizli müharibə aparırdılar. Hazırda isə Aralıq dənizi və Qırmızı dənizdəki gəmilər də hücuma məruz qalır”, – deyə məqalədə qeyd olunub.

 Nəşrin rəsmi şəxslər arasındakı mənbəyə istinadən yazdığına görə, “İsrail 2019-cu ildən bəri Aralıq dənizinin şərqində və Qırmızı dənizdə İran nefti və silahı daşıyan gəmilərə hücum edir”: “İran, göründüyü kimi, diqqəti cəlb etmədən gizli hücumlarla cavab verir”.

Mənbələr bildirir ki, 2019-cu ildən bəri İsrail diversantları İran yüklərini daşıyan azı 10 gəmiyə hücumlar təşkil ediblər. İran tərəfi isə hücumların 20 gəmiyə qarşı edildiyini düşünür. Söhbət əsasən Suriyaya yanacaq və ya silah daşıyan gəmilərdən gedir.

“İranın cavabının miqyası bəlli deyil. Hücumların çoxu gizli və məsuliyyəti barədə ictimaiyyətə elan edilmədən həyata keçirilir”, – məqalədə belə deyilir.

Nəşr qeyd edir ki, “hər iki tərəf əsasən dəniz minalarından istifadə edir. Eyni zamanda, məqalədə hər iki tərəfin açıq qarşıdurmadan çəkinməyə çalışdıqları bildirilir. APA

Həmçinin oxuyun

Masaj salonunda təcavüz – Hamilə qadını zorladılar

ABŞ-da 9 aylıq hamilə qadın masaj salonunda masajçı tərəfindən təcavüzə məruz qalıb. 30 yaşlı masajçı tərəfindən …