İranlı deputat Urmiya gölünün aqibətinə görə hökuməti tənqid edib

“Mövcud hökumət Urmiya gölünün dirçəldilməsi siyasətlərinə əməl etmir”.

Bunu İran parlamentinin üzvü, deputat Məhəmməd Baqiri Bənayi deyib.

Bənayi hazırda Urmiya gölünün hövzəsində bir neçə bəndin tikildiyini və onlar da tamamlanarsa, Urmiya gölünün fatihəsinin oxunacağını söyləyib.

– Şərqi Azərbaycan vilayəti də ölkənin digər bölgələri kimi su böhranı ilə üz-üzədir və biz kənd təsərrüfatı və hətta içməli su təchizatı üçün problemlə üzləşirik. Keçmişdə tikilən bəzi bəndlərin tədqiqi tələsik aparılıb və indi ölkədə bizim problemimizdən biri də bu bəndlərdir ki, yağış yağan çayların yuxarı axınının mavi rəngə boyanmasına, aşağı axınının isə yeraltı sulara çevrilməsinə səbəb olub. Ümumiyyətlə, tikilən bəndlərin bəziləri tədqiq edilməmiş və ölkə üçün problemlər yaratmışdır. Təəssüf ki, Urmiya gölünün bərpası qərargahının siyasətlərinə əvvəlki hökumətlərdə olduğu kimi bu hökumətdə də əməl olunmur, ona görə də bu hövzə əslində həm ətraf mühit, həm də insanlıq baxımından böhranla üz-üzədir” – Baqiri Bənayi vurğulayıb. AzVision.az