Şənbə , Sentyabr 18 2021
Ana səhifə / Dünya / İnsanlığın utanc günü: 8 dəqiqəyə 80 min can alan partlayış- FOTOLAR

İnsanlığın utanc günü: 8 dəqiqəyə 80 min can alan partlayış- FOTOLAR

6 avqust dünyada nüvə silahlarından istifadənin qadağan olunduğu gündür. 1945 -ci ilin bu günü Amerika təyyarələri Yaponiyaya ilk atom bombasını atdılar. Avqustun 6-da Hiroşimaya, bir neçə gün sonra isə Naqasakiyə atom silahıyla hücum oldu.

Hiroşimaya düşən “Little Boy” adlı bombanın gücü 12,000-15,000 ton trotila bərabər olub və 13 kvadrat kilometrlik sahəni xarabalığa çevirib. Atom bombası yerli vaxtla 8:15-də ABŞ-ın “Enola Gay” adlı B-29 təyyarəsindən atılıb. Bomba düşən nöqtənin təxminən 500 metrliyində hər şey – canlı və cansız – buxarlanmışdı.

Şəhər məhv edildi, binaların 60 faizi yerlə yeksan oldu. Partlayışdan dərhal sonra Yaponiyanın açıqladığı rəsmi rəqəmlərə əsasən, ölənlərin sayı 118,661 nəfərə çatmışdı. Qeyd edilir ki, partlayış cəmi 8 dəqiqəyə 80 min can alıb.
Ümumilikdə isə Hiroşimanın o zamankı 350 min əhalisindən 140 minin həlak olduğu bildirilir. Xeyli sayda yapon uzun müddət ağır xəstəliklərdən əziyyət çəkdi.

Yaponiyanın digər bir şəhəri, Naqasakiyə atılmış atom bombasından isə ilin sonunadək 74,000 adam həlak oldu . Hər iki şəhərdə sağ qalmağı bacaran əksər yaponlarda nüvə silahının “iz”ləri hələ də qalır…
Partlayış xəbərini elan edən ABŞ prezidenti Harri Truman qeyd etmişdi ki, atom bombası gücünə görə 2,000 adi bombaya bərabərdir .

Azvision.az

Həmçinin oxuyun

Diplomatik qalmaqal: Fransa ABŞ və Avstraliyadakı səfirlərini geri çağırdı

Paris məsləhətləşmələr üçün ABŞ və Avstraliyadakı səfirlərini geri çağırıb. Fransa Xarici İşlər Nazirliyinin açıqlamasında deyilir …