Böyük Britaniya kralı III Çarlz xalqa ilk televiziya müraciətində anası II Elizabeti özünün ilham mənbəyi adlandırıb.
O, ingilislərə sədaqət, hörmət və sevgi ilə xidmət edəcəyinə söz verib. Monarx bildirib ki, II Elizabetin ölümünə baxmayaraq, monarxiyanın dəyərləri sarsılmaz olaraq qalacaq. O, həmçinin ölkənin konstitusiya prinsiplərini qoruyacağına söz verib.
Kral həmçinin ABŞ-a köçən Şahzadə Harrini və həyat yoldaşı Meqan Marklı çox sevdiyini bildirib. III Çarlz oğlu Uilyama Uels şahzadəsi titulunu verdiyini də açıqlayıb.