“Hörmüz boğazı bütün ölkələrin gəmiləri üçün açıqdır” - Pezeşkian qorxdu?

"İranı xəritədən silmək illüziyası tarix yaradan bir millətin iradəsi qarşısında çarəsizliyi və acizliyi göstərir".

Bunu sosial media hesabında İran Prezidenti Məsud Pezeşkian yazıb.

O əlavə edib: "Təhdidlər və terror İran xalqını daha birlikli edir. Hörmüz boğazı İran ərazisinə hücum edənlər istisna olmaqla, bütün ölkələrin gəmiləri üçün açıqdır.

Biz sahədəki dezinformasiya və ayrı-seçkilik etməyən təhdidlərə qətiyyətlə cavab verəcəyik".

Xatırlatma: ABŞ Prezidenti Donald Tramp bildirib ki, əgər Tehran növbəti 48 saat ərzində Hörmüz boğazından keçən gəmiçilik hərəkətini bərpa etməsə, ABŞ İran elektrik stansiyalarına zərbə endirəcək.

"Əgər İran Hörmüz boğazını tam açmasa və oradakı təhdidlərinə son qoymasa, onda düz 48 saat ərzində ABŞ ən böyüyündən başlayaraq müxtəlif elektrik stansiyalarına zərbə endirəcək və onları məhv edəcək", - deyə o, sosial media platforması "Truth Social"da yazıb.

Tramp hansı elektrik stansiyalarının hədəf alınacağını və ya onun təhdidlərinin Buşehr nüvə elektrik stansiyasını əhatə edib-etmədiyini dəqiqləşdirməyib.

İslam İnqilabı Keşikçiləri KorpusuBazar günü xəbərdarlıq edib ki, ABŞ onun elektrik stansiyalarına hücum edərsə, qisas almağa hazırdır.

İran hərbi rəsmiləri bildiriblər ki, bu halda Tehran Fars körfəzi bölgəsindəki Amerika enerji obyektlərinə və infrastrukturuna zərbə endirəcək.