“Hacıbala Abutalıbov o qədər “sənə qurban olaram” dedi ki, kompleksə girdim…”

Hacıbala Abutalıbovdan müsahibə alan bloqqer Mehman Hüseynov təəssüratlarını bölüşür

Son günlərin ən çox səs gətirən video-müsahibələrindən biri də  bloqqer Mehman Hüseynova məxsusdur. Bakı Şəhər İcra Hakimiyyətinin başçısı Hacıbala Abutalıbovla söhbət edən, bunu videolentin yaddaşına köçürən bloqqer ortaya maraqlı nümunə də qoyub: məmurları tapmaq bir şans işi olsa da, onları danışdırmaq peşəkarlıqdır.

Mehman  Hüseynov  bu müsahibənin hekayəsini danışdı.

– Bəli, doğrudur. Mən şəhərdə dostlarımla gəzirdim. Elə oldu ki, qəflətən Hacıbala Abutalıbovla onun söküntü işlərinə baxan köməkçisi Zülfəli adlı məmuru da şəhərdə gəzən yerdə gördüm. Öncə müsahibə almağa çəkindim təbii ki. Amma iki-üç dəqiqə düşünəndən sonra qərar verdim ki, bu söhbəti edim. Telefonu verdim dostlara ki, məni çəksinlər. Sonra da başladım söhbətə.

-Bir dəfə jurnalistlərlə görüşündə demişdi ki, Azərbaycanda bir kişi var, o da İlham Əliyev. Həmin vaxt demişdim ki, biz də kişiyik, Hacıbala müəllim. Müsahibədən əvvəl onu xatırlatdım ki, “bəs yadınıza gəlirmi, həmin Mehman mənəm” deyə. Təəssüf ki, üstümdə kameram yox idi. Qərara gəldim ki, çəkilişi telefonla edim.

-Xeyr. Dedik ki, vətəndaşıq, bir-iki problemi nəzərinizə çatdırmaq istəyirik. Yağışlardan sonra Bakı yollarının durumu, qar yağandan sonra yolların təmizlənməsində ucuz işçi qüvvəsi olaraq yaşlı qadınlardan istifadəni nəzərinə a, qar yağanda ucuz işçi qüvvələrindən istifadə edirlər. Ən əsası özü bildirdi ki, sizin kimi gənclər görəndə şad oluram, sizin gələcəyiniz var. O zaman mən ona bildirdim ki, ən yaxşısı odur ki, könüllü şəkildə istefa ərizənizi yazın. O da cavabında elə cavanlar olduğunu dedi. “Mən hazıram getməyə” söylədi.

-Yanındakı mühafizəçisi dedi ki, cavab verməyin, müsahibə vermir. Amma Hacıbala müəllim Zülfəli adlı köməkçisinə dedi ki, yox, mən cavab verəcəm. Axırda da az danışmasının səbəblərinə toxunub. Deyib ki, az danışan irəli gedər, çox danışanın isə karyerası olmaz. Normal, demokratik ölkələrdə belə olur. Müsahibəyə yazılan 1000 şərhin 100-ü yazıb ki, inanmırlar gözümüzə ki, mer vətəndaşla danışıb. Amma demokratik ölkələrdə belə olmaldır.

-Bəzi söhbətlər oldu, amma onlar efir söhbətləri deyildi. Mən ona sual verdim ki, cənab prezident yerli maşından istifadə etməklə bağlı göstəriş verib. Siz niyə göstərişə əməl etmirsiz? Dedi ki, İlham Əliyevə qurban olaram, öl desə ölərəm.

-O qədər “sizə qurban olaram” dedi ki, kompleksə girdim. Dedim, heç olmasa bir dəfə də mən deyim ki, “mən də sizə qurban olum”.  Hacıbala Abutalıbov mənə müsahibə verməklə əslində stereotipləri dağıtmaq istəyirdi. Biz ondan soruşduq ki, nəyə gecə vaxtı burdasız? Dedi ki, hər gecə iş yerindən Sahilə qədər piyada gəlirəm. Düşünürəm ki, bəlkə də ona bu müsahibədən sonra “bir daha belə səhv eləmə” deyərlər. Amma deyilməsə, yenidən müsahibə almaq şansımız da qalar. Siyasi qərardan çox şey asılıdır.

– Onu dəqiq bilmirəm. Çalışırdı ki, səmimi olsun. Bəzən biz cavab almaq istəyəndə o, sualdan yayınırdı. Ya qəsdən edirdi, ya da… Hər halda bizi dinləməsi, bu müsahibənin özü müsbət bir hadisə idi.( “Yeni Müsavat” )