Çərşənbə axşamı , Sentyabr 17 2019
Ana səhifə / Dünya / Gürcüstanın Dövlət Agentliyi azərbaycanlı hamilə qadının ölümü ilə bağlı araşdırma aparacaq

Gürcüstanın Dövlət Agentliyi azərbaycanlı hamilə qadının ölümü ilə bağlı araşdırma aparacaq

Gürcüstanın Tibbi Fəaliyyətin Tənzimlənməsi Dövlət Agentliyi Qardabani rayonunda 8 aylıq hamilə qadın Samirə Yusubovanın ölüm faktı ilə bağlı araşdırma aparacaq.

“Report”un yerli bürosu xəbər verir ki, bu barədə dövlət qurumunun rəhbəri Nino Xutsişvili bildirib.

Onun sözlərinə görə, qadının ölümünə həkimlərin səhlənkarlığının səbəb olduğu müəyyən oluransa, müvafiq ölçülər götürüləcək:

“Agentlik məsələni mütləq araşdıracaq. Bazar ertəsindən etibarən müvafiq prosedurlara başlanılacaq. Qadının öldüyü klinikada da sənədlər araşdırılacaq və həkimlərin pasientin ölümündə günahları sübuta yetirilərsə, həmin həkimlərin peşə məsuliyyəti məsələsi qaldırılacaq”.

Qeyd edək ki, Qardabani rayonunun Nəzərəli kənd sakini 33 yaşlı Samirə Yusubova rayon xəstəxanalarının birində dünyasını dəyişib. Qadının yaxınları onun ölümündə həkimləri günahlandırırlar.

Həmçinin oxuyun

Məmurun Naftalanda “şokolad vannası”ndan fotosu – Tənqid edildi

Rusiyanın Ulyanovsk vilayətinin İT-korporasiyasının rəhbəri Svetlana Openışeva Azərbaycanda “şokolad vannası”ndan paylaşdığı fotoya görə müzakirələrə səbəb olub. …