Mayın 25-də gecə saat 1:43-də Gürcüstanda zəlzələ olub.
Virtualaz.org yerli KİV-ə istinadən bildirir ki, bu barədə Gürcüstanın Seysmoloji Monitorinq Mərkəzi məlumat yayıb.
Məlumata əsasən, yeraltı təkanlar Kazbeqi rayonundan 31 km. cənub şərqdə, Bokçvilo ərazisində 4,9 bal gücündə qeydə alınıb.
Dağındı və tələfat barədə hələlik məlumat verilmir.
Sosial şəbəkələrdə yazılanlara görə, təkanlar Tbilisidə, eləcə də Çeçenistan, Dağıstan, İnquşetiya və Şimali Osetiya ərazisində də hiss olunub.