Gürcüstanda koronavirusa yoluxan və ölənlərin sayı artdı

Gürcüstanda son sutkada koronavirusa 3 yeni yoluxma faktı təsdiqlənib. 

“Report”un yerli bürosu xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib.

Bununla da, indiyədək qonşu ölkədə COVID-19-a yoluxma hallarının sayı 924-ə çatıb. Yoluxan şəxslərin 785-i sağalıb. Son sutka ərzində xəstəlikdən daha 1 nəfər ölüb və virusdan dünyasını dəyişənlərin sayı 15-ə çatıb.

Hazırda ölkə üzrə karantində 2 819, stasionar nəzarətdə isə 230 nəfər saxlanılır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.