Cümə axşamı , Dekabr 3 2020
Ana səhifə / Dünya / Gürcüstanda ermənilərlə polis arasında qarşıdurma – FOTO

Gürcüstanda ermənilərlə polis arasında qarşıdurma – FOTO

Gürcüstanın Daxili İşlər Nazirliyi (DİN) Samtsxe-Cavaxeti bölgəsinin Kumudro kəndində yerli erməni sakinlərin iştirakı ilə baş vermiş insidentlə bağlı məlumat yayıb.

Azinforum.az APA-ya istinadən xəbər verir ki, bir qrup yerli sakin Kumudro kəndində X əsrə aid olan və bərpası davam etdirilən kilsəyə daxil olmağa cəhd ediblər: “Mühafizə polisi vətəndaşlara kilsə ərazisinə daxil olmağa icazə verməyib və bundan sonra bəzi sakinlər polis əməkdaşlarına qarşı fiziki güc tətbiq edərək onlara daş atıblar. İnsident nəticəsində polis əməkdaşları xəsarət alıb və nazirliyə məxsus maşınlara ziyan dəyib. Daxili işlər naziri Giorgi Mqebrişvili hadisə yerində olub və yerli sakinlərlə görüşüb. Hazırda kənddə vəziyyət sakitdir”.
DİN insidentlə bağlı istintaqa başlayıb.

Qeyd edək ki, Kumudro kəndinin erməni sakinlərinin kilsə ərazisinə daxil olmağa cəhdinin məqsədi orada xaç quraşdırmaq olub.

Həmçinin oxuyun

İranın yüksək rütbəli zabiti İraqda öldürüldü – KİV

“RT Arabic” telekanalı İraqdakı mənbələrinə istinadən İran İslam İnqilabı Keşikçiləri Korpusunun (SEPAH) komandirlərindən biri Müslüm …