Ana səhifə / Dünya / Gürcüstanda azərbaycanlıların kompakt yaşadığı ərazidə karantin rejimi ləğv edilir

Gürcüstanda azərbaycanlıların kompakt yaşadığı ərazidə karantin rejimi ləğv edilir

Gürcüstan hökuməti azərbaycanlıların kompakt yaşadığı ərazidə karantin rejimini ləğv edir.

Bununla bağlı “Sputnik Gürcüstan” ölkənin Baş naziri Giorgi Qaxariyanın açıqlamasına istinadla xəbər yayıb.

Onun sözlərinə görə, mayın 18-dən etibarən azərbaycanlıların kompakt yaşadığı bölgədə – Marneuli rayonunda sərt karantin rejimi aradan qaldırılır:

“Bu gün Rustavi və Qardabani şəhərlərinə giriş-çıxışa qoyulan bütün məhdudiyyətlər ləğv edilir. Bundan əlavə, mayın 18-dən etibarən Marneuli karantin zonası olmayacaq. Bu bölgənin sakinləri, digər ölkə vətəndaşları kimi problemsiz hərəkət edə biləcəklər”.

Qeyd edək ki, martın 23-dən etibarən Marneuli rayonu koronavirusun yayılması təhlükəsi səbəbindən karantin zonası elan olunmuşdu. Eyni səbəbdən Gürcüstanın Qardabani royuna giriş bağlanmışdı.

Həmçinin oxuyun

Belarusdan “Qazprom”a sərt cavab: “Heç bir borcumuz yoxdur”

Belarus qaza görə Rusiyaya hər hansı borcunun olmadığını elan edib. Bu, Belarusun Energetika Nazirliyinin rəsmi …