Cümə axşamı , Yanvar 21 2021
Ana səhifə / Dünya / Fransızlar Rusiya dövlətindən 30 milyard avro tələb edirlər

Fransızlar Rusiya dövlətindən 30 milyard avro tələb edirlər

Yüz minlərlə Fransa vətəndaşı Rusiyadan XIX əsrdə Rusiya İmperiyasının buraxdığı istiqrazlar üzrə ödənişləri tələb edib. Tələbin ümumi məbləği 30 milyard avro təşkil edir.

Bildirilir ki, 1967-ci ildə Rusiyanın dəmiryol şirkətləri qızılla təmin edilmiş dövlət istiqrazlarının buraxılışına başlayıbar. Sonrakı 3 onillik ərzində fransızlar bu layihələrə 15 milyard frank (53 milyard avro) investisiya qoyublar.

Həmin istiqrazlar üzrə gəlirləri almaq az adama müyəssər olub. 1918-ci ildə Vladimir Lenin çar Rusiyasının borclarının ödənilməsindən imtina barədə fərman imzalayıb. 1997-ci ildə isə Rusiya Federasiyası Fransa ilə müqavilə imzalayıb. Həmin sənədə əsasən, Rusiya Federasiyasının Rusiya İmperiyasının borclarına görə Fransa qarşısında öhdəliyi yoxdur.

Lakin o vaxtın istiqraz sahiblərinin 400 minə yaxın varisi kompensasiya tələb etməkdə davam edirlər və bildirirlər ki, Rusiya heç də müflis deyil.

“Dövlət borcu köhnəlmir. O ödənilməlidir. Oyunun qaydaları belədir”, – RFİ-yə müsahibəsində varislərdən biri deyib.(Virtualaz.org)

Həmçinin oxuyun

Bayden Trampın qərarlarını ləğv etdi: Müsəlman ölkələrinə qadağa qaldırıldı

ABŞ-ın 46-cı prezidenti seçilən Co Bayden hakimiyyətinin ilk günündən özündən əvvəlki dövlət başçısı Donald Trampın …