“Fransa və Almaniya Ukraynanın Aİ-yə sürətli qoşulmasına qarşı çıxdı” − FT

Fransa və Almaniya Ukraynanın Avropa İttifaqına daxil olmasına hazırlıq məqsədilə ona simvolik güzəştlər təklif ediblər.
Bu barədə “Financial Times” qəzeti Berlin və Parisdən ayrı-ayrı sənədlərdə qeyd olunan təkliflərə istinadən məlumat yayıb.
Bu təkliflərə əsasən, Ukrayna tamhüquqlu üzv olana qədər blokun büdcəsinə, Aİ kənd təsərrüfatı subsidiyalarına və səsvermə hüququna malik olmayacaq.
Nəşrin məlumatına görə, Aİ-nin ən böyük üzv dövlətləri Ukraynaya üstünlük vermək üçün yavaş və bürokratik qəbul prosesindən imtina etməyi müdafiə edən Avropa Komissiyasının təkliflərini rədd ediblər.
Almaniya Ukraynanın nazirlər və liderlik görüşlərində iştirak edəcəyi, lakin Aİ-nin ümumi büdcəsinə səsvermə hüququ və ya “avtomatik giriş” hüququ olmayan “assosiativ üzv” statusunda israr edir. Fransa bu müvəqqəti üzvlüyü “inteqrasiya olunmuş dövlət statusu” adlandırır.
“Bu uşaqlar... başa düşməlidirlər ki, onlara da Ukrayna lazımdır. Əgər onlar real təhlükəsizlik istəyirlərsə, ədalətli təklif verilməlidirlər”, - Ukrayna rəsmisi nəşrə bildirib.