Ermənistanda Paşinyanın heykəli başsız qaldı

Ermənistanda naməlum şəxslər ölkənin baş nazirinin vəzifələrini icra edən Nikol Paşinyanın “addımlayan” heykəlinin başını kəsiblər. Virtualaz.org “news.az” portalına istinadən xəbər verir ki, sözügedən heykəl Vanadzor-Gümrü yolunda qoyulub.

Sosial şəbəkələrdə yayılmış fotoşəkillərdən göründüyü kimi, heykəl başsız qalıb.

Xatırladaq ki, dekabr ayının əvvəllərində “Mənim addımım” adlanan heykəlin ayağının bir hissəsi qoparılmışdı.