Ana səhifə / Dünya / Ermənistanda daha bir vəzifəli şəxsə qarşı ittiham

Ermənistanda daha bir vəzifəli şəxsə qarşı ittiham

Ermənistanın sabiq baş nazirinin müavini Armen Gevorqyana qarşı 2008-ci ilin 1-2 mart hadisələrilə əlaqədar açılan cinayət işi üzrə ittiham irəli sürülüb.

Bu barədə Ermənistan Xüsusi İstintaq Xidmətinin rəisi Sasun Xaçatryan məlumat verib.

” “Wikileaks” saytının materiallarına əsasən, Konstitusiya Məhkəməsinin hakimi Valeriy Poqosyana təzyiq edilib. O, Serj Sarkisyanın xeyrinə qərar çıxarması üçün Ermənistanın ikinci prezidenti Robert Koçaryan administrasiyasının nümayəndəsi tərəfindən ona təzyiq olunduğu barədə şikayət edib. “Wikileaks”in dərc etdiyi həmin məlumat öz təsdiqni tapıb. Armen Gevorqyan və daha bir məmur Konstitusiya Məhkəməsinin hakimi Valeriy Poqosyana təzyiq etməyə cəhd göstəriblər. Ona qarşı cinayət məcəlləsinin 332-ci maddəsinin 3-cü bəndi – ədalət mühakiməsinə maneçilik üzrə ittiham irəli sürülüb. Bu cinayətə görə 6 ilədək azadlıqdan məhrumetmə cəzası nəzərdə tutulub.” – deyə Xaçatryan bildirib.

Xatırladaq ki, Armen Gevorqyan 2007-ci ilin iyunundan 2008-ci ilin aprelinədək Ermənistan Milli Təhlükəsizlik Şurasının katibi olub.

Qeyd edək ki, 2008-ci il martın 1-də Ermənistanda keçirilən etiraz aksiyalarının dağıdılması zamanı 10 nəfərin ölümü və ölkədə konstitusiya quruluşunu evirmək cəhdi ilə əlaqədar açılan cinayət işi çərçivəsində Ermənistanın keçmiş prezidenti Robert Koçaryan və KTMT-nin fəaliyyətda olan baş katibi Yuri Xaçaturov həbs ediliblər. Xaçaturov hələlik zaminə çıxa bilib. (AzVision.az)

Həmçinin oxuyun

Papa qadın məhbusların ayaqlarını yuyub öpdü

Katolik dünyasının ruhani lideri Papa Fransisk katoliklərin bu həftəsonu qeyd etməyə hazırlaşdıqları Pasxa mərasimləri çərçivəsində …