Cümə axşamı , May 13 2021
Ana səhifə / Dünya / Ermənistanda hökumət və parlament növbədənkənar seçkilərə gedə bilər

Ermənistanda hökumət və parlament növbədənkənar seçkilərə gedə bilər

Ermənistan prezidenti Armen Sarkisyan hökuməti və parlamenti növbədənkənar parlament seçkilərinə hazırlaşmağa çağırıb.

Bu barədə “Sputnik” Ermənistan məlumat yayıb.

Onun sözlərinə görə, Ermənistan həm döyüş meydanında, həm də diplomatik arenada məğlub olub.

“Yaralı iqtisadiyyatımız böyük sosial problemlərlə yüklənib. Biz reallığı inkar edib adi həyatımızı yaşamağa davam edə bilmərik”, – deyə A.Sarkisyan bildirib.

O qeyd edib ki, son günlər parlament və qeyri-parlament qüvvələri, ictimai qruplar, diaspora nümayəndələri ilə görüşüb. Bütün bu görüşlərdə ümumi bir fikir səsləndirilib: hökumətin istefasının və ya Nazirlər Kabinetinin səlahiyyətlərinə son qoyulmasının və növbədənkənar parlament seçkilərinin keçirilməsinin zəruri olması.

Ermənistan prezidenti bildirib ki, görüş və məsləhətləşmələrin nəticəsində vəziyyətdən yeganə çıxış yolu növbədənkənar parlament seçkilərinin keçirilməsidir.

A.Sarkisyan hökuməti və hakim qüvvələri öz potensialını obyektiv qiymətləndirməyə, qısa müddətdə konstitusiya proseslərinin aparılması üçün yol xəritəsini təqdim etməyə çağırıb.

Həmçinin oxuyun

ABŞ-ın ən izdihamlı yerlərindən birində Azərbaycan bayrağı ucaldılacaq

ABŞ-ın Nyu-York şəhərində 28 May – Respublika Günü münasibətilə Azərbaycanın dövlət bayrağı ucaldılacaq. “Report”un yerli …