Cümə , Aprel 19 2024
Ana səhifə / Dünya / Ermənilərin İsraillə bağlı iddiası yəhudilərlə kütləvi toqquşmalara səbəb olub

Ermənilərin İsraillə bağlı iddiası yəhudilərlə kütləvi toqquşmalara səbəb olub

Ermənilərin İsrailin onlara məxsus olması iddiası yəhudilərlə toqquşmalara səbəb olub.

Bu barədə “Report” xarici mətbuata istinadən xəbər verir.

Məlumata görə, ilk qarşıdurma “Ağlama divarı” yaxınlığında baş verib. Toqquşmaya ermənilərin İsrailin onlara məxsus ölkə olması barədə ittihamı səbəb olub. Belə ki, ermənilərdən birinin “Bura – İsrail bizim ölkəmizdir, bura evimizdir”, – deməsi tərəflər arasında qarşıdurma yaradıb.

Qeyd edilir ki, ermənilər yəhudiləri təqib ediblər. Bunu görən yəhudilərdən biri hüquq-mühafizə orqanlarının əməkdaşlarını köməyə çağırıb.

Qarşıdurmaya polis əməkdaşları müdaxilə ediblər. Asayiş keşikçiləri dinc sakinləri təqib edən ermənilərin qarşısını kəsiblər. Toqquşmanı daha da dərinləşdirən Gevorq Kaxkecyan saxlanılıb. G.Kaxkecyan məhkəmənin qərarı ilə 20 sutka ev dustaqlığına məhkum edilib.

Qeyd edək ki, son günlər İsraildə erməni separatçılarının fəallığı hiss olunur. Buna misal kimi ermənilərin İsraildəki “Noyan Tapan” Mədəniyyət və Təhsil Mərkəzinin bəyanat yayaraq, guya ayrıseçkiliklə qarşılaşdığını iddiası ilə çıxış etməsini göstəmək olar. Bundan əlavə, Qüdsün xristian məhəlləsində ermənilərə məxsus restoranda da yəhudilərlə erməni millətçiləri arasında kütləvi dava baş verib.

Həmçinin oxuyun

Hindistan əhalinin sayına görə dünyada birinci yerdə oldu

Hindistan əhalisinin sayına görə dünyada lider ölkə olub. APA xəbər verir ki, bu barədə BMT-nin …