Çərşənbə axşamı , Oktyabr 4 2022
Ana səhifə / Dünya / Daha bir ölkədə daşqın fəlakəti – 11 nəfər öldü + Video

Daha bir ölkədə daşqın fəlakəti – 11 nəfər öldü + Video

Belçikanın cənubunda son 20 ilin ən güclü daşqını nəticəsində 11 nəfər həyatını itirib.

Bu barədə “Qafqazinfo” RTBF telekanalına istinadən xəbər verir.

Məlumata görə, qayıqları palçıqlı axında çevrilən üç xilasedici itkin düşmüş hesab olunur.

Belçikanın cənubunda yerləşən Valloniya bölgəsində daşqın çərşənbədən cümə axşamına keçən gecə başlayıb, vəziyyət tez bir zamanda pisləşib. Son sutkada ölkədə aylıq normadan 1,5 dəfə artıq yağıntı düşüb.

Valloniyada onlarla yaşayış məntəqəsi tamamilə su altında qalıb. Xüsusilə Lyej, Limburq əyalətləri zərər çəkib. Şəhərlərin küçələrində suyun səviyyəsi 50-60 santimetrə, bəzən isə 1 metrə çatır. 20-dən çox ev palçıqlı axın nəticəsində dağılıb. Xilasedicilər insanları evakuasiya etmək üçün mühərrikli qayıqlar və vertolyotlardan istifadə edirlər.

Almaniyada isə daşqın qurbanlarının sayı 58 nəfərə çatıb.

https://ok.ru/videoembed/2650176359018



Həmçinin oxuyun

ABŞ-ın sabiq prezidenti Ceyms Karterin 98 yaşı tamam olub

ABŞ-ın sabiq prezidenti Ceyms Karter şənbə günü 98 yaşını qeyd edib, Karetin kitabxanası isə yeni …