CHP-də növbəti qalmaqal: bələdiyyə başqanı partiyadan qovuldu
Türkiyənin Malatya vilayətinin Yazıhan rayonunun bələdiyyə başqanı Abdulvahap Göçer barədə qalmaqallı qərar qəbul olunub.
Cümhuriyyət Xalq Partiyasının (CHP) Yüksək İntizam Şurası onun partiyadan ixracına qərar verib.
Məlumata görə, qərar partiya nizamnaməsinə zidd davranışlar və təşkilati qaydaların pozulması iddiaları ilə əsaslandırılıb. Bu hadisə CHP daxilində yerli idarəetmə səviyyəsində yeni siyasi gərginlik yaradıb.
Göçer isə ittihamları qəbul etmədiyini bildirərək partiyaya xəyanət etmədiyini vurğulayıb və siyasi fəaliyyətini davam etdirəcəyini açıqlayıb. Hadisə Türkiyə müxalifətində geniş müzakirələrə səbəb olub.