Ana səhifə / Dünya / Bayden-Ərdoğan görüşü: “S-400“lərin Ukraynaya təhvil verilməsindən söz açılacaqmı?

Bayden-Ərdoğan görüşü: “S-400“lərin Ukraynaya təhvil verilməsindən söz açılacaqmı?

Bu gün NATO-nun fövqəladə toplantısı çərçivəsində Türkiyə Prezidenti Rəcəb Tayyib Ərdoğanla ABŞ-ın dövlət başçısı Cozef Bayden arasında görüş olacaq.

Liderlər NATO-nun Belçikanın paytaxtı Brüsseldə keçiriləcək fövqəladə sammiti çərçivəsində bir araya gələcəklər.

Bu görüşdə müzakirə oluna biləcək məsələlərdən biri Türkiyədə olan “S-400” hava hücumundan müdafiə sistemlərinin Ukraynaya təhvil verilməsidir.

Xatırladaq ki, bu təklif ABŞ rəsmilərindən gəlib. Rəsmi Ankara “yox” cavabı versə də, Ağ Ev təhvilin qarşılığında Türkiyəyə “F-16” təyyarələri və “Patriot” raketləri təklif edir.

Türkiyə prezidentinin rabitə üzrə direktoru Fahrettin Altun “S-400″lə bağlı təklifin yalnız ölkəsinin “F-35” proqramına qaytarılması və digər şərtlərin yerinə yetirildiyi halda müzakirə edilə biləcəyini bildirib.

Ankara özündən əvvəl “S-300″lərə sahib Yunanıstan və Yunan-Kiprinin raketləri niyə Ukraynaya vermədiyini də Vaşinqtonun nəzərinə çatdırır.

Həmçinin oxuyun

İranda Heydər Əliyev Mərkəzinin oxşarı tikildi – Fotolar

Bakıdakı dünyaca məşhur Heydər Əliyev Mərkəzinin oxşarı İranda inşa olunub. Milli.Az bildirir ki, İrandakı oxşar …