Şənbə , Oktyabr 31 2020
Ana səhifə / Dünya / Azərbaycanlılar Gürcüstanda etiraz aksiyası keçirib – Səbəb + FOTO

Azərbaycanlılar Gürcüstanda etiraz aksiyası keçirib – Səbəb + FOTO

Gürcüstanda azərbaycanlıların sıx yaşadıqları Qardabani rayonunda etiraz aksiyası keçirilib.

“Report”un Gürcüstan bürosu xəbər verir ki, aksiya iştirakçıları Qardabani rayonunda fəaliyyət göstərən spirt zavodunun xoşagəlməz iyindən narahatlıqlarını bildiriblər.

Zavod ətrafında yerləşən kəndlərin sakinlərinin sözlərinə görə, bu məsələ ilə bağlı rayonun aidiyyatı orqanlarına dəfələrlə müraciət etsələr də, bu günə qədər heç bir addım atılmayıb.

Problem aradan qaldırılmayana qədər Qardabani sakinləri etiraz aksiyalarını davam etdirəcəklərini deyiblər.

Qardabani rayon bələdiyyəsinin sədr müavini Rəfi Orucov “Report”a açıqlamasında bildirib ki, zavodun məxsus olduğu şirkətin rəhbərliyi ilə problemin aradan qaldırılması ilə bağlı görüş keçirilib: “Görüşdə yerli sakinlər də iştirak ediblər. Bu ayın sonuna qədər problemin həll olunması ilə bağlı razılıq əldə olunub”. 

Həmçinin oxuyun

Gürcüstan seçkiləri: Baş nazir Saakaşvilini həbs edəcəyini deyir

Gürcüstanın baş naziri Georgi Qaxariya keçmiş prezident Mixil Saakaşvilinin lideri olduğu “Vahid milli hərəkat” partiyasının …