Şənbə , Mart 2 2024
Ana səhifə / Dünya / Atambayev Nazarbayev haqda söylədiyi fikirlərə görə üzr istədi

Atambayev Nazarbayev haqda söylədiyi fikirlərə görə üzr istədi

Qırğızıstan prezidenti Almazbek Atambayev Qazaxıstan dövlət başçısı Nursultan Nazarbayevin ünvanına söylədiyi fikirlərə görə üzr istəyib.

“Report” xəbər verir ki, A.Atambayev bu barədə Bişkekdə ən yaxşı tələbələrə Prezident təqaüdü təqdim edilməsi mərasimində Qırğızıstan-Qazaxıstan sərhədindəki vəziyyət barədə danışan zaman bildirib.

“Qazaxıstan prezidenti haqqında emosional çıxışım zamanı səhv etmişəm. Bu günlər ərzində bu barədə düşünmüşəm”, – o deyib.

O, mehriban qonşuluq münasibətlərinin əhəmiyyətini vurğulayaraq söyləyib ki, “bütün qonşularımızla sülh içində yaşamalıyıq”.

Qeyd edək ki, oktyabrın 10-dan etibarən Qırğızıstan-Qazaxıstan dövlət sərhədində nəqliyyat vasitələrinin və şəxslərin buraxılışı gücləndirilmiş nəzarət formasında həyata keçirilir. Bu səbəbdən sərhəddə sərnişinlərin, yüklərin və nəqliyyat vasitələrinin sıxlığı müşahidə olunur.

Həmçinin oxuyun

“Prioritetimiz Ukrayna deyil, ölkənin sərhədidir” – Mayk Conson

“Prioritetimiz ölkənin cənub sərhədindəki böhranı həll etməkdir, Ukraynaya kömək üçün vəsait ayırmaq deyil”.Bunu ABŞ Nümayəndələr …