Türkiyə Silahlı Qüvvələrinin Afrinə yönəlik “Zeytun budağı” əməliyyatında 11 kənd kürd silahlılarından təmizlənib.
Hərəkatın 2-cü günündə Türkiyə Silahlı Qüvvələrinin quru qoşunları da Afrinə girib. Hava bombardmanı və top atəşləri də davam edir.
Döyüş təyyarələri PKK-PYD-YPG və İŞİD-ə yönəlik uçuşları davam etdirir.
TSQ-nin məlumatına görə, artıq 32 təyyar ilə 45 hədəf vurulub. Afrinə keçidin böyük hissəsi Kilisə bağlı Gülbaba kəndindən olub. Azad Suriya Ordusu da Afrinin daxilində irəliləməyə başlayıb. Türk əsgərləri zirehli maşın və tanklarla ona dəstək verir. Quru əməliyyatının başlaması ilə bölgədə gərginlik də artıb.