17 ölkə İrana qarşı sanksiyaları ləğv etməyə hazır olduqlarını bəyan etdi
On yeddi ölkə ABŞ və Tehran arasında sazişin imzalanmasından sonra İrana qarşı sanksiyaların mümkün yumşaldılmasını və ya ləğvini dəstəkləməyə hazır olduqlarını bildiriblər.
Bu barədə Böyük Britaniya hökumətinin veb saytında dərc olunmuş açıqlamada deyilir.
Birgə bəyanat əvvəlcə Böyük Britaniya, Fransa, Almaniya və İtaliya tərəfindən verilib. Daha sonra Yaponiya, Kanada, Avstraliya, Belçika, Bolqarıstan, Kipr, Dominikan Respublikası, Estoniya, Finlandiya, Yunanıstan, Latviya, Polşa və Portuqaliya da ona qoşulub.
Sənəddə vurğulanır ki, sanksiyaların mümkün ləğvi İranın nüvə proqramı ilə bağlı “aydın və təsdiqlənə bilən tədbirlər” həyata keçirməsindən asılı olacaq.
Avropa ölkələri əvvəllər yalnız İranın nüvə proqramında həqiqi dəyişikliklər olduqda məhdudiyyətlərin qaldırılmasını nəzərdən keçirməyə hazır olduqlarını bildiriblər.