Ərdoğan AKP-nin seçki proqramını açıqladı

Bu gün Türkiyənin hakim Ədalət və İnkişaf Partiyası (AKP) İstanbulda 6-cı fövqəladə qurultayını keçirib.
Ədalət və İnkişaf Partiyasının (AKP) rəhbəri, prezident Rəcəb Tayyib Ərdoğan qurultayda iyunun 24-də keçiriləcək növbədənkənar prezident və parlament seçkiləri ilə bağlı AKP-nin seçki proqramını açıqlayıb.

Qeyd edək ki, Ədalət və İnkişaf Partiyası ilə Millətçi Hərəkat Partiyası (MHP) seçkilərə “Cümhur ittifaqı” bloku ilə qatılıb. AKP və MHP birlikdə Rəcəb Tayyib Ərdoğanın prezidentliyə namizədliyini irəli sürüb. Cümhuriyyət Xalq, İYİ və digər partiyalar da namizədlərini Ali Seçki Komissiyasına təqdim ediblər.