Çərşənbə , Noyabr 25 2020
Ana səhifə / Dünya / Ərdoğan prezidentliyə namizədi məhkəməyə verdi

Ərdoğan prezidentliyə namizədi məhkəməyə verdi

Türkiyə prezidenti Rəcəb Tayyib Ərdoğan Xalq Cumhuriyyət Partiyasından (CHP) olan prezidentliyə namizəd Məhərrəm İncəni məhkəməyə verib.

“Anadolu” agentliyi bildirir ki, buna səbəb siyasətçinin Ərdoğanın 2001-ci ildə ABŞ səfəri zamanı Fətullah Gülənə baş çəkməsi ilə bağlı iddia irəli sürməsidir.

Türkiyə hökuməti Güləni 2016-cı ilin iyul ayında dövlət çevrilişinə cəhdin təşkilində ittiham edir.

Balıkesirdə seçki kampaniyası çərçivəsində tərəfdarları qarşısında çıxış edən İncə Türkiyə prezidentinə səslənərək “2001-ci ildə öz partiyanı yaradan zaman Pensilvaniyaya icazə almaq üçün getmişdin?”, – deyə bildirib.

“Şübhəli şəxsin mitinqdə səsləndirdiyi iddia ölkə prezidentinə ciddi həqarətdir və həqiqəti əks etdirmir”, – deyə Ərdoğanın vəkili Hüseyn Aydının məhkəməyə təqdim etdiyi şikayət ərizəsində deyilir.

Şikayətçi tərəf İncədən qalmaqallı bəyanatına görə 100 min lirə təzminat istəyir.

Ərdoğan “Habertürk” telekanalının efirində, “Pensilvaniyaya gedib kimdənsə icazə alacaq dərəcədə alçaq bir siyasətçi olmadığını” söyləyib.

Həmçinin oxuyun

Ermənistan iqtisadiyyatı dərin böhranla üz-üzə – TƏHLİL

Pandemiya başladıqdan sonra Ermənistanda iqtisadi vəziyyətin pisləşməsi əsaslı qiymət artımının baş verməsi və milli valyutanın …