Çərşənbə axşamı , Sentyabr 17 2019
Ana səhifə / Dünya / Ərdoğan Mursinin qatilindən danışdı: “Bir araya gəlməyimiz mümkün deyildi”

Ərdoğan Mursinin qatilindən danışdı: “Bir araya gəlməyimiz mümkün deyildi”

“Mursi inandığı mübarizə uğrunda mücadilə zamanı həyatını itirən bir şəhiddir, tarix onun şəhadətinə yol açan zalımları əsla unutmayacaq”. 

Sputnik Azərbaycan “Anadolu” agentliyinə istinadən xəbər verir ki, bunu Misirin sabiq prezidenti Məhəmməd Mursinin ölümü barədə danışan Türkiyə Prezidenti Rəcəb Tayyib Ərdoğan bildirib. 

Xalqın dəstəyi ilə Misir Prezidenti seçilən Mursinin 2013-cü ilin iyununda qanlı inqilabla, öz Nazirlər Kabinetində yer alan zalım Sisinin başçılıq etdiyi xunta hərəkatı ilə devrilərək həbs edildiyini qeyd edən Ərdoğan bunları deyib: “Həm prezident seçilməmişdən öncə, həm də prezident olduğu dövrdə onunla yaxın dostluğumuz oldu. Çevriliş məhkəmələrində ittiham edilən və edam cəzası verilən mərhum Mursinin yenə bir məhkəmə salonunda son nəfəsini verməsi ona və xalqına illərdir edilən zülmün bir simvoludur. Zalımlar məzlumların canlarına qəsd edə bilər, hətta onları öldürməklə şəhadətə getmələrinə vəsilə ola bilərlər. Lakin onların mübarizələrinin izzətinə xələl gətirə bilməzlər”.

Ərdoğan eyni zamanda Misirin hazırkı prezidenti Abdul Fəttah əs-Sisi ilə görüşməyəcəyini də dilə gətirib: “Mənə  çox təkliflər gəldi və bu təkliflərin heç birini qəbul etmədim. Onun oturduğu masada əsla oturmaram. Qardaşım Mursinin qatili durumunda olan şəxslə bir araya gəlməyimiz mümkün deyildi. Bu günə qədər də gəlmədik”.

Qeyd edək ki, Məhəmməd Mursi iyunun 17-də məhkəmə zalında vəfat edib. O, 1951-ci il avqustun 20-də anadan olub. 2012-ci ildə keçirilən seçkidə qalib gələn Məhəmməd Mursi 2013-cü ildə ovaxtkı müdafiə naziri, general Abdul Fəttah əs-Sisi tərəfindən hərbi yolla devrilib. M.Mursi casusluq, dövlətə xəyanət və başqa cinayətlərdə şübhəli bilinərək, həbs edilmişdi.

Həmçinin oxuyun

Məmurun Naftalanda “şokolad vannası”ndan fotosu – Tənqid edildi

Rusiyanın Ulyanovsk vilayətinin İT-korporasiyasının rəhbəri Svetlana Openışeva Azərbaycanda “şokolad vannası”ndan paylaşdığı fotoya görə müzakirələrə səbəb olub. …