“Müəllimlərə divan tutduğuna görə yeni vəzifə verilib” – İTTİHAM

“Elm və təhsil naziri hörmətli Emin Əmrullayevin yanında oturan Qarabağ Regional Təhsil İdarəsinin müdiri Mənsimli Sənan Famil oğlu Azərbaycan Texnologiya Universitetinin Telekommunikasiya fakultəsinin “Rabitə qovşaqları və Kommunikasiya sistemləri” ixtisası üzrə məzunudur. Emin müəllimin yaxın dostudur”.

Bu açıqlama ilə keçmiş millət vəkili, təhsil eksperti Etibar Əliyev çıxış edib.

Emin Əmrullayevin fotosunu paylaşan E. Əliyev bildirib ki, nazir əvvəlcə Sənan Mənsimlini 13 saylı ərazi maliyyə hesablaşma mərkəzinə direktor təyin edib:

“Hesabı yaxşı bildiyindən Sənan Mənsimli 2022-ci ildə Şirvan-Salyan Regional Təhsil İdarəsinin müdiri vəzifəsinə təyin edib. Valideynə, müəllimlərə divan tutduğuna görə yerini təzədən dəyişib. Yəni indiki vəzifəyə gətirib.

Orta təhsilin əlifbasını belə bilmir.

Xocalı soyqırımı zamanı Fatma Zeynalova 27 gün ailəsi birlikdə erməni əsirliyində olmuş və əsirlikdə olan zaman azyaşlı övladlarının gözü qarşısında həyat yoldaşı güllələnərək şəhid olmuşdur. Fatma Zamanovanın Sənanın dostu və məsləkdaşı Emin Əmrullayevə bu rabitəçinin əməlləri barədə ünvanladığı məktubdan: "Qalmışıq bu allahsızın əlində..."

Əziz bacım Fatma xanım: "Allahsız Sənan deyil e, Sənanı ora təyin edəndır!” – deyə E. Əliyev ittihamlarını yekunlaşdırıb.