Çərşənbə axşamı , Mart 19 2024
Ana səhifə / Cəmiyyət / Yol polisi “Prius”ları cərimə meydançasına aparır – AÇIQLAMA

Yol polisi “Prius”ları cərimə meydançasına aparır – AÇIQLAMA

Sosial şəbəkələrdə Dövlət Yol Polisi əməkdaşlarının “Toyota Prius” markalı hibrid avtomobilləri katalizatorun olmadığını əsas gətirərək qeyri-qanuni olaraq cərimə meydançasına aparması ilə bağlı iddia yayılıb.

Sosial şəbəkə istifadəçisi iddia edir ki, sürücülər, sözügedən səbəblə cərimə meydançasına aparılan avtomobillərini Baş Dövlət Yol Polisi İdarəsində 150 manat ödəməklə çıxara bilirlər: “Prius”ları (Toyota) yolda saxlayırlar ki, “sür ustaya, yoxlayaq görək katalizator var, ya yox”. Sürücü də biraz xam olur, sürür ustanın yanına. Ustanın yanında serjant girir maşının altına və “otvertka” ilə katalizator olan yerə vurur, səs xoşuna gəlmədi, aha, demək ki, katalizator yoxdur, maşın (tam qeyri-qanuni) gedir “ştrafnoy”a”.

Sosial şəbəkə istifadəçisi bu haqda, sözügedən prosesi yaşamış bir şəxsə istinadən məlumat verdiyini bildirib və avtomobilini cərimə meydançasından götürməsi üçün həmin şəxsə Bakı şəhəri DYPİ tərəfindən verilən arayışın fotosunu təqdim edib:

Məsələ ilə bağlı Baş Dövlət Yol Polisi (DYP) İdarəsinin İctimai qurumlarla əlaqə şöbəsinin rəisi, polis polkovnik-leytenatı Namidan Piriyev Yeniavaz.com-a bildirib ki, katalizatorun olmaması inzibati xətadır və buna görə qanunla təyin olunmuş cərimənin miqdarı 150 manatdır: “O iddia deyil. Elə faktlar var. “Toyota Prius”lardan katalizatorları çıxardırlar. Katalizatorun nəqliyyat vasitəsində olmamağı inzibati xətadır, texniki nasazlıq sayılır. Çünki katalizator filtir rolunu oynayır. 150 manat isə onun qanuni cəriməsidir. Katalizatorun olub-olmamasını anlamaq üçün ustaya getməyə ehtiyac yoxdur, bunu mühərriki işə salanda bilmək olur. Bunu sürücülərin özləri də etiraf edirlər”.

N. Piriyev bildirib ki, texniki nasazlığa görə nəqliyyat vasitəsi cərimə meydançasına yerləşdirilibsə, nasazlıq aradan qaldırılmamış buraxılmamalıdır.

Həmçinin oxuyun

Paytaxtda 600 manata səməni satılır? – VİDEO

Novruz bayramına artıq sayılı günlər qalıb. Bu bayramın əsas simvollarından biri olan səməni demək olar …