Universitetlərə inam azalıb – Rektor

“Keçmişlə müqayisədə universitetlərin sayı əhəmiyyətli dərəcədə artıb. Amma universitetlərin sayının artması sanki onlara olan inamın azalması ilə müşayiət olunur”.

Bu fikrin Bakupost.az -a açıqlamasında Azərbaycan Dövlət İqtisad Universitetinin (UNEC) rektoru professor Ədalət Muradov deyib.
Rektor qeyd edib ki, universitetlər qarşısında duran əsas vəzifələri yerinə yetirmək, o cümlədən “yaxşı mütəxəssis tapa bilmirik” iradlarına son qoymaq üçün universitetlərə inamın bərpası da həlledici amillərdəndir:
“Universitet funksiyalarının cari iqtisadi və sosial məsələlərlə məhdudlaşdırılması da yanlış görünür. Eləcə də, universitetlərin “məhsulu”nun, yəni məzunlarının və eləcə də “qiymətləndiricilər”in özlərinin də qiymətləndirilməsi sisteminə ehtiyac var”.