TANINMIŞ ƏCNƏBİ HƏKİM ŞANTAJ EDİLDİYİNİ DEYİR – VİDEO

18 Aprel 2016

Bakıda fəaliyyət göstərən İran əsilli tanınmış həkim Behnam Kazemi şantaja məruz qaldığını bildirir. O, Azinforum.az-a verdiyi açıqlamada deyib ki, bu proses uzun müddətdir ki, davam edir:

“Mən çox təəssüf edirəm ki, bu qarayaxmada jurnalistlərdən istifadə olunur. Ünvanıma olmazın iftrasını, hədyanını yağdırırlar. Bir müddət susdum, dedim bəlkə abır, həya edib özlərinə yığışarlar. Ancaq görürəm ki, xeyiri yoxdur. Bugünlərdə sizin sayt vasitəsilə indiyə qədər barəmdə səsləndirilən bütün ittihamlara aydınlıq gətirdim. Ortaya ciddi dəlil və sübutlar qoydum. Görünür, bu da onlara kifayət etməyib. Bu cür iyrənc kampaniyanın arxasında iki məqsəd durur: məndən pul qoparmaq və bezdirilərək ölkəni tərk etməyimə nail olmaq. Ancaq buna nail ola bilməyəcəklər. Çünki mən Azərbaycanı canımdan da artıq sevirəm. Bura həm də mənim Vətənimdir. Azərbaycanda hüquqi dövlət mövcuddur. Əminəm ki, məni bu şəbəkənin əlindən alacaqlar. Artıq səbrim tükənib və günü sabah hüquq-mühafizə orqanlarına müraciət etmək qərarına gəlmişəm. Vətəndaşı olduğum ölkənin Bakıdakı səfirliyi vasitəsi ilə məruz qaldığım şantajlarla bağlı əlaqədar qurumlara müraciət edəcəm”.