Tək “hörümçək” deyil, ümumilikdə 50-ə yaxın söz lüğətdə qeyd edilməyib – VİDEO

“Azərbaycan dilinin orfoqrafiya lüğəti”ndən “hörümçək” sözünün çıxarılması və “spayder” sözü ilə əvəz olunması məsələsinə aydınlıq gətirilib.

Azərbaycan Milli Elmlər Akademiyasının Dilçilik İnstitunun şöbə müdiri İsmayıl Məmmədli deyib ki, yeni lüğətdən “hörümçək” sözü çıxarılmayıb.

Şöbə müdirinin sözlərinə görə, siqnal nüsxədə “hörümçək” sözü var. Sadəcə olaraq köçürülmə zamanı səhvə yol verilib.

İsmayıl Məmmədli bildirib ki, “spayder” sözü “hörümçək” sözünün əvəzləyicisi kimi yox, yeni beynəlxalq termin kimi lüğətə əlavə edilib.

Qurum rəsmisi onu da bildirib ki, “hörümçək” sözü ilə bərabər 50-ə yaxın söz lüğətdə qeyd edilməyib. Lüğətlər ümumilikdə 5 ildən bir yenilənir. Amma belə texniki səhvlərə görə müraciətlər əsasında lüğət yenidən çap oluna bilər.