Ana səhifə / Cəmiyyət / Sərxoş halda maşın sürən rəis müavini işdən çıxarıldı 

Sərxoş halda maşın sürən rəis müavini işdən çıxarıldı 

Sərxoş vəziyyətdə avtomobil idarə etdiyi üçün yol polisi tərəfindən saxlanılan polis bölməsinin rəis müavini vəzifəsindən uzaqlaşdırılıb.

Virtualaz.org saytının əldə etdiyi məlumata görə, Qaradağ Rayon Polis İdarəsinin (RPİ) 38-ci polis bölməsinin (PB) rəis müavini, polis polkovnik-leytenantı Şərifov Rafiq Vaqif oğlu artıq işdən çıxarılıb və sərəncama göndərilib.

Xatırladaq ki, bir neçə gün əvvəl rəis müavini idarə etdiyi 90 BZ 455 dövlət nömrə nişanlı “Land Rover” markalı avtomobillə əvvəlcə polislərin “Saxla!” əmrinə tabe olmamışdı. Sonra polislər R.Şərifovu məcburi qaydada saxlayaraq Abşeron RPİ-yə aparmışdılar.

Hadisə baş verən gündən R.Şərifova 38-ci PB-də işə çıxmaq qadağan edilmişdi.

Faktı virtualaz.org saytına Qaradağ RPİ 38-ci polis bölməsindən də təsdiqlədilər. Əlavə etdilər ki, R.Şərifovun yerinə hələ təyinat olmayıb.

Həmçinin oxuyun

Vüsalə Mənsimova Mübariz və Mais Mənsimovları məhkəməyə verdi

Məşhur azərbaycanlı iş adamı, “Palmali” şirkətlər qrupunun sahibi Mübariz Mənsimov və qardaşı Mais Mənsimov barəsində …

Bir cavab yazın