Rasim Balayev: “Basılmışıq evə, elə bil türmədəyik”

“Bir yandan pandemiya, oturmuşuq evdə, elə bil türmədəyik, bir yandan da xəstəlik. Hələ də səhhətimdəki problemlər aradan qalxmır. Nə qədər evdə oturmaq olar axı. Arada dükana gedib qayıdıram. Başımı filmlərə baxmaqla qarışdırıram. Öz filmlərimizə də yox, xarici filmlərə baxıram”.

Bunu Yenicag.az-a açıqlamasında xalq artisti, tanınmış aktyor Rasim Balayevə deyib.

İllərin sənətkarı yaradacılıqdan ayrı düşdüyünə görə xiffət çəkdiyini də bildirib:

“Kino yox, çəkiliş yox. İndi normal kino çəkən də yoxdur. Heç gümanım da gəlmir ki, indən belə nəsə olsun. O potensial da yoxdur adamda. İnsanın ruhu, həvəsi də qalmayıb. Belə bir zamanda adamda ruh qalar? Kinosuz da çətindir mənə. Hər filmə də çəkilmirəm, dəvətlər olsa da. Pandemiya bitsəydi, rahat nəfəs alardıq”.