Azərbaycanda mobil telefon abunəçilərinin sayı azalıb.
Bakupost.az -ın apardığı təhlillərə əsasən, 2019-cu ildə ölkədə 897 229 nəfər internet abunəçisi olduğu halda, 2020-ci ildə bu say 1 159 897 nəfərə çatıb.
İnternet abunəçilərinin sayında artımın olmasına baxmayaraq, mobil telefon abunəçilərinin sayı azalıb.
2019-cu ildə Azərbaycanda 10 milyon 750,3 min nəfər mobil telefon abunəçisi olub. 2020-ci ildə isə bu say 10 milyon 344,3 minə enib. Əhalinin hər 100 nəfərinə düşən mobil telefon abunəçilərinin sayında da azalma müşahidə edilib. 2019-cu ildə əhalinin hər 100 nəfərinə 109 abunəçi, 2020-ci ildə isə 104 abunəçi düşüb.