Təhsil naziri Emin Əmrullayev müəllimlərin işə qəbulu müsabiqəsinin vakansiya seçimi mərhələsi ilə bağlı qaldırılan bir sıra sualları cavablandırıb.
Nazirin suallara video cavabı nazirliyin Facebook səhifəsində yerləşdirilib. Emin Əmrullayev qeyd edib ki, hər bir şərhə cavab yazmaq imkanı məhdud olduğundan məsələlərə qısa video formatında münasibət bildirmək qərarına gəlib.
Nazir bu il 8322 vakansiyanın elan edildiyini, bunun da ötən ildəkindən 14 faiz çox olduğunu bildirib.
Nazirin bu mövzu ilə bağlı video formatında münasibətini diqqətinizə çatdırırıq: