“Hələ adi insanların qayğıları daha çoxdur. Əməkhaqqı, pensiya çatışmazlığı, tibbi xidmətin bahalığı, insanların başqaları tərəfindən təhqir olunması – bu cür hallar o qədər geniş yayılıb”
“Əslində yuxusuzluq problemi çox ciddi bir məsələdir. Qərb ölkələrində, inkişaf etmiş ölkələrdə insanlar üzərində bununla bağlı təcrübələr aparırlar. Burada internetin təsiri varmı, yoxsa gündəlik yediyimiz qidalarla bağlıdırmı? Hələ tam dəqiq nəticə əldə olunmayıb”.
Bunu Modern.az saytına açıqlamasında Milli Məclisin deputatı Tahir Kərimli deyib.
O bildirib ki, bəzən gecə yuxusu gəlməyəndə internetə girir.
“Bununla da istəyirəm ki, yuxum gəlsin , baxıram yuxum daha da qaçıb.
Burdan aydın olur ki, internetin də yuxusuzluğa təsiri var. Birmənalı
şəkildə həkimlər, psixoloqlar bildirirlər ki, internet çox istifadə
olunanda insanın yaddaşına ziyan vurur, nəticədə də yuxusuzluğa gətirib
çıxarır. Bu yaxınlarda internetdə aclıq keçirən körpələrin həyatına
baxırdım, hələ də gözümün qabağından getmir. İnernet bizi çox yükləyir,
az qala dünyanın bütün problemlərini düşünəsən və düşünməli olduqca da
insanın yuxusu qaçır”.
T.Kərimli düşünür ki, yuxusuzluğun digər bir səbəbi də mühitdir, əsəbi şəraitdir.
“Bu yaxınlarda rayondan qayıdırdım, polis maşınları biz
saxlatdırdı, bir nazir yoldan keçməli idi. Mənə qayıdıb deyir ki, kənara
çıx. Mənə bu hadisə o qədər pis təsir etdi ki!. Mənim toxunulmazlıq
hüququm olduğum halda, sən məni saxlatdırırsan, hesabat tələb edirsən.
İnanırsınız qeyr-ixtiyari öz-özümə əsəbləşdim. Mən millət vəkili olsam
da, bu cür hallarla qarşılaşanda gərginlik keçirirəm.
Hələ adi insanların qayğıları daha çoxdur. Əməkhaqqı, pensiya çatışmazlığı, tibbi xidmətin bahalığı, insanların başqaları tərəfindən təhqir olunması – bu cür hallar o qədər geniş yayılıb”.
Deputat qeyd edib ki, sosializm rejimində hər şeyə ,yaxşıya da, pisə də qadağa qoyulmuşdu.
“Bir hakim ideologiya var idi.Dövlət hər şeyi öz üzərinə
götürürdü. O dövrdə qayğılar da az idi. Ancaq kapitalizm hər şeyə icazə
verir.Çox təəssüf ki, pislik edənlərin sayı günü- gündən artır”.
T.Kərimli “Mülk Allaha məxsusdur” ifadəsini xatırladaraq əlavə edib:
“Varlı adamların yadına Allah düşmür, yalnız kasıbın yadına
düşür.Pul insanları bir-birindən də soyudur. Pulu var, hər şeyi satın
almaq istəyir. Ona görə də insanlar arasında inamsızlıq var. İndi pulun
hakimiyyəti əmələ gəlib. Karl Marks deyirdi ki, kapitalizm əxlaqsız
cəmiyyətdir,çünki müstəsna dərəcədə əxlaqsız olan kapitala söykənir.
Cəmiyyətin pula sitayişindən doğan yuxusuzluğun bir səbəbi də pul
problemidir”.