Azinforum.az İnformasiya Portalı Onlayn Xəbər Portalı
“Makromart” adlı marketlər şəbəkəsinin Ziya Bünyadov prospektində (Ayna Sultanova heykəlinə yaxın-red) olan filialında ciddi kadr islahatı aparılıb. Azinforum.az-ın əldə etdiyi məlumata görə, üç gün əvvəl, uzun müddət filiala rəhbərlik edən Firdovsi adlı şəxs və onunla birgə çalışan bir neçə yaxın adamı gözlənilmədən marketə buraxılmayıb. Marketin idarəçiliyi rəhbərlik tərəfindən göndərilən Sara adlı cavan bir xanıma həvalə olunub. Azinforum.az-ın əməkdaşları marketdə olan zaman yeni rəhbərlik tərəfindən heç bir dəyişikliyin tətbiq olunmadığının şahidi olub.
“Novatorluq” yalnız piştəxtada göstərilən qiymətlərlə kassada vurulan qiymətlər arasında olan uyğunsuzluqda özünü göstərib. Əməkdaşlarımız marketdə olan zaman xanım bir müştərinin uşağı üçün aldığı “Kinder” şokoladının qiymətinin 79 qəpik göstərildiyi halda, kassada ondan 98 qəpik tələb olunduğundan şikayət etdiyinin şahidi olublar. Müştərilərin dediyinə görə, “Makromart”ın ən böyük filialı olan sözügedən marketdə indiyə kimi belə hallar müşahidə olunmayıb. Görünür, Sara xanım qiymət “siysətini” yaxşı bacardığı üçün, komandası ilə “Ayna Sultanova” filialına ezam edilib.
Qeyd edək ki, filialdan uzaqlaşdırılan Firdovsi adlı şəxsin “Makromart” şəbəkəsinin rəhbərilə eyni kənddən olduğu söylənilir. Bu səbəbdən də, belə etibarlı şəxsin ən gəlirli nöqtədən kənarlaşdırılması ilə bağlı səbəb çox maraqlı görünür. Mövzuya qayıdacayıq…
RÖVŞƏN ƏLİ
AZİNFORUM.AZ
