Maaşlar verilməsə, müəllimlər bayramdan sonra işləməkdən imtina edəcəklər – BSU-da

Bakı Slavyan Unversitetində müəllimlərin fevral məvaciblərinin verilməməsi barədə məlumat vermişdik. Azimforum.az-a daxil olan yeni məlumata görə, yaranan vəziyyətlə əlaqədar müəllimlər artıq açıq etiraz edirlər. Bu haqda sayta məlumat verən mənbənin sözlərinə görə, həftənin sonuna qədər rəhbərliyə vaxt verilib:

“Əgər həftə sonuna kimi maaşlar verilməsə, müəllimlər bayramdan sonra auditorialara girib dərs deməyəcəklər. İnsanları bu qədər alçatmaq olmaz. Qoy indi texniki işçi və süpürgəçilər gedib dərs desinlər tələbələrə. Rəhbərlik başa düşmür ki, tələbələr təhsil almaq üçun pul ödəyir, universitetin süpürülməsi üçün yox.  Əziyyətlə qazandığımız qəpik-quruşu minnətlə, bizi əzə-əzə, bezdirə-bezdirə verirlər. Rəhbərlik başa düşsün ki, biz müəllimlər auditoriyaya girib dərs deməsək, tələbə təhsil haqqını ödəməz. Artıq 30 ilə yaxındı dərs deyirəm hələ heç bir rektor öz əməkdaşlarına belə laqeyid  yanaşmayıb. Mühasibatlıqdan soruşnda ki, nə vaxt olacaq?  Cavab verirlər ki, maaş gözləməyin, heç nə  deyə bilmərik. Belə  çıxır ki, biz havayı işləyirik?!”.

VİDADİ