AMEA-nın Beynəlxalq münasibətlər və Nizami adına Ədəbiyyat institutu Cənubi Azərbaycan şöbəsinin baş elmi işçisi olmuş filologiya elmlər namizədi (doktorluq işi hazır idi və ölümündən sonra “Cənubi Azərbaycan ədəbiyyatının yeni inkişaf mərhələsi (1850-1920)” kitab şəklində dərc olundu), tarixçi, Şəhriyarşünas alim, Azərbaycan Yazıçılar Birliyinin üzvü, mərhum şair Nazim Rizvanın ölümündən sonra daha bir poemalardan ibarət kitabı işıq üzü görüb.
Musavat.com xəbər verir ki, həyatı boyu doğma Azərbaycan uğrunda ürəyini bir məşəl kimi yandıran mərhum şairin kitab təqdimatı gecəsinə onunla vaxtilə çiyin-çiyinə çalışmış alim yoldaşları, qələm dostları, və doğmaları toplaşıb.
Kitabın araya-ərsəyə gəlməsinin təşəbbüskarı isə, tələbəsi və hal-hazırda Filologiya üzrə fəlsəfə doktoru, AMEA-nın Nizami adına Ədəbiyyat İnstitutunun baş elmi işçisi olan davamçısı Şəhriyarşünas alim Esmira Fuad (Şükürova) olub.
Gecədə mərhum haqqında söhbətlər edilib, xatirələr bölüşülüb, şeirləri səsləndirilib.