Cümə axşamı , Mart 28 2024
Ana səhifə / Cəmiyyət / Lənkəranda qeyri-adi sınaq: bir ağacda yeddi meyvə – FOTOLAR

Lənkəranda qeyri-adi sınaq: bir ağacda yeddi meyvə – FOTOLAR

Lənkəran sakini yeddi növ fərqli sitrus meyvəsini bir ağacda yetişdirir.

Oxu.Az-ın Cənub bürosunun verdiyi xəbərə görə, Lənkəranın Hirkan qəsəbəsində yaşayan Arif Kərimov 40 ildir bağçılıq təsərrüfatı ilə məşğul olur və əkdiyi meyvə ağacları bir ilə bar verir.

O, buna ağacları bir-birinə calaq etməklə nail olur. Bir çoxlarından fərqli olaraq, təsərrüfatçı təkcə cır limondan istifadə etmir. Panderoza kimi iri meyvələri olan müxtəlif sitrus ağaclarını calaq edir. O deyir ki, ağac calamağın öz vaxtı, üsulu və incəlikləri var.

Bağban calağın göz, yarma, keçirmə, qabıq kimi növlərindən istifadə edir. Nəticə isə göz qabağındadır.

Təsərrüfatçı dekorativ ağacların calağı ilə də məşğul olur. O, budaqları yalnız yerli ağaclardan seçmir, Türkiyədən, İrandan gətirdiyi növlərdən də istifadə edir. Bəzi dekorativ ağacları isə öz budağına calaq edərək bonsay və spiral formalarını ala bilir.

Yayda və qışda da calaq işləri ilə məşğul olan bağban gələcəkdə alma, armud kimi digər meyvə  ağaclarını da bir ağacda calaq edib yetişdirmək fikrindədir. Qeyd edək ki, calanan ağac, adətən, mart ayında əkilir.

Həmçinin oxuyun

Bakı meriyasında müşavirə keçirilib, bu şəxsə şiddətli töhmət verilib

Bakı Şəhər İcra Hakimiyyətində martın 26-da Binəqədi rayonunda qadının liftin qapıları arasında qalaraq ölməsi faktı …