Cümə axşamı , Mart 28 2024
Ana səhifə / Cəmiyyət / İş yerini dəyişmək istəyən müəllimlərin sayı – 3087 nəfər

İş yerini dəyişmək istəyən müəllimlərin sayı – 3087 nəfər

Müəllimlərin yerdəyişməsi müsabiqəsində indiyədək  3087 nəfər iştirak etmək üçün ərizəsini təsdiq edib.
Bu məlumatı Təhsil Nazirliyindən azedu.az-ın sorğusuna cavab olaraq bildiriblər.
Qeyd edək ki, iş yerini dəyişmək istəyən müəllimlər üçün 4 iyundan etibarən onlayn qeydiyyata start verilib. Namizədlər 4-11 iyun 2018-ci il tarixlərində http://miq.edu.az/  saytı vasitəsilə qeydiyyatdan keçə bilərlər.
Təhsil Nazirliyinin 8 may 2018-ci il tarixli F-346 nömrəli əmri ilə təsdiq edilmiş “Təhsil Nazirliyi sisteminə daxil olan ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi” qaydalarına əsasən Təhsil Nazirliyi sisteminə daxil olan ümumi təhsil müəssisələrində müddətsiz müqavilə ilə işləyən müəllimlərin iş yerinin digər ümumtəhsil müəssisələrinə dəyişdirilməsi artıq eyni rayon (şəhər) daxilində və ya bir rayondan (şəhərdən) digərinə olmaqla iki mərhələdə yox, bir mərhələdə proqram təminatı tətbiq olunmaqla həyata keçiriləcək.
Müəllimlərin iş yeri diaqnostik qiymətləndirilmədə və ya işə qəbul üzrə müsabiqədə iştirak etdiyi ixtisas üzrə dəyişdiriləcək.

Həmçinin oxuyun

Bakı meriyasında müşavirə keçirilib, bu şəxsə şiddətli töhmət verilib

Bakı Şəhər İcra Hakimiyyətində martın 26-da Binəqədi rayonunda qadının liftin qapıları arasında qalaraq ölməsi faktı …