Dünən ölkənin əksər KİV-ləri Naxçıvan Muxtar Respublikasının Şərur rayonunda sabiq milli təhlükəsizlik naziri Eldar Mahmudovun atası Əhməd Mahmudovun adını daşıyan türk liseyinin önündəki abidəsinin sökülməsi barədə məlumat yayıb. İlkin qaynaq kimi Naxçıvanda yaşayan jurnalist Həkimeldostu Mehdiyevin sosial şəbəkədə yazdığı statusa istinad olunub.
Azinforum.az Şərur rayonunda yaşayan bir neçə məlumatlı şəxslə məsələni dəqiqləşdirib. Məlum olub ki, Əhməd Mahmudovun heykəlinin sökülməsi ilə bağlı yayılan xəbər həqiqəti əks etdirmir. Qeyd edək ki, həmin büst sovet dövründə fəaliyyət göstərən peşə məktəbinin önündə qoyulub. Sonradan həmin məktəbin binasında ölkədəki ilk türk liseylərindən biri fəaliyyətə başlayıb. Bina istismar müddətini başa vurduğu üçün, hazırda ona yaxın bir yerdə lisey üçün yeni bina tikilir. Köhnə bina isə hələ Eldar Mahmudovun vəzifədə işlədiyi vaxtdan fəaliyyətini dayandırıb. Ola bilər ki, binanın ətrafında aparılan təmir işləri belə yalnış məlumatın yayılmasına rəvac verib.
RÖVŞƏN ƏLİ
AZİNFORUM.AZ