BENZİNİN QİYMƏTİNDƏ YENİ ARTIM – SABAHDAN “PREMİUM” VƏ “SUPER” MARKALI BENZİNLƏR 10 QƏPİK BAHALAŞIR

Azinforum.az-ın əldə etdiyi dəqiq məlumata görə, bu gün saat 24-00-dan sonra respublikamıza xaricdən idxal edilən “Aİ-95” premium və  “Aİ-98” super  markalı benzinlərin qiymətində yenidən artım olacaq. Hazırda “Aİ-95” premium markalı benzinin  bir litrinin qiyməti 1,05 AZN, “Aİ-98” superinki   isə  1.10 AZN təşkil edir. Hər iki növ benzinin qiyməti sabahdan etibarən 10 qəpik bahalaşacaq. Yəni  “Premium” 1.15 AZN-ə, “Super” isə 1.20 AZN-ə satılacaq.

Xaricdən idxal edilən bu növ benizinlərin qiymətindəki son artım bu ilin 13 yanvarında müşahidə edilib.

Azinforum.az bildirir  ki, qiymət artımı respublikamızda istehsal olunan və sürücülərin böyük əksəriyyətinin istifadə etdiyi “Aİ-92” markalı benzinə şamil olunmayacaq. Yəni istər “Aİ-92” markalı benzinin, istərsə də dizel yanacağının qiymətində dəyişiklik olmayacaq.

Rövşən ƏLİ

AZİNFORUM.AZ