Çərşənbə axşamı , Mart 19 2024
Ana səhifə / Cəmiyyət / Bəli, Kəlbəcər dünya mədəniyyətinə çox nadir incilər bəxş etmiş bir diyardır !

Bəli, Kəlbəcər dünya mədəniyyətinə çox nadir incilər bəxş etmiş bir diyardır !

Kəlbəcər rayonu dilbər guşələri oz qoynunda daşıyan Azərbaycanımızın ayrılmaz bir parçasıdır. Kəlbəcər də Azərbaycanda dünya miqyasında ən güclü ordulardan birini formalaşdıran Müzəffər Ali Baş Komandanın İkinci Qarabağ müharibəsində yürütdüyü hərbi-siyasi yolun davamı olaraq bir güllə atılmadan azad edildi və düşmən rayondan çıxmağa məcbur edildi. Bir sıra tarixi-mədəni sərvətləri özündə əks etdirən Kəlbəcərin təbiətə bəxş etdiyi min bir nemətlərdən biri də bizi dünyaya tanıdan və loğman kimi neçə milyon insanı sağaldaraq həyata qaytaran dirlik suyu hesab olunan – İSTİSUDUR.

O zamanın ən görkəmli kimyaçı alimi E.Karstenski Kəlbəcər ərazisindəki mineral suları yoxladıqdan sonra İstisuyun müalicəvi əhəmiyyətini daha yüksək (hətta- Karlovı-Varıdan da yüksək) qiymətləndirməsi və bu müalicə otağının təkcə bu əraziyə, Azərbaycana, SSRİ-yə deyil, dünyaya şöhrət gətirəcək bir yer olduğunu göstərməsi heçdə təsadüfi deyil. Kəlbəcərin işğaldan azad edilməsi ilə Azərbaycanda balneoloji turizmin və mədən sənayesinin inkişafında yeni bir mərhələ başlayacaq. Kəlbəcərin azad olunması ilə Azərbaycan BMT Təhlükəsizlik Şurasının 822 saylı qətnaməsini, ümumilikdə isə, bütün qətnamələrini faktiki olaraq məhz özü hərbi-siyasi yolla yerinə yetirdi. Çox təssüf hissi ilə qeyd etmək istərdim ki, BMT-nin və ATƏT-in prinsiplərinə zidd olaraq 1999-cu ildən Kəlbəcər rayonu ərazisində məskunlaşdırılmasına başlanılan təcavüzkar və hiyləgər ermənilər o gözəl diyarı vəhşicəsinə dağıtmış, fora və faunasına xeyli ziyan vurmuşdur.

Heç şübhəsiz, o gün gələcək ki, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi ilə Kəlbəcər rayonunda bütün tarixi abidələr, o cümlədən dünya əhəmiyyətli dini tarixi abidələr olan Xəzinədağ (Gəncəsər) və Xudavəng məbədləri bərpa ediləcək, onun əsl milli kimliyi – alban tarixinə də təqdim ediləcəkdir.

Möhtərəm Prezidentimizin də qeyd etdiyi kimi biz bu gun tarixi ədaləti bərpa edərək qalib ordumuz sahəsindən dünyaya bir daha azərbaycan xalqının yenilməz, mübariz, qalib və döyüşkən olduğunu sübut etmiş olduq. Bu gün xalqımız öz tarixinin şanlı və qürurverici səhifələrindən birini yaşamaqdadır.

Kəlbəcər bizimdir ! Qarabağ Azərbaycandır !

Elgün Əlizadə,

Nəsimi rayon sakini,

Həmçinin oxuyun

Hacı Şahin Həsənlinin xatirəsinə həsr olunmuş film çəkilib -VİDEO

Mərhum ilahiyyatçı Hacı Şahin Həsənlinin həyat və fəaliyyətindən bəhs edən sənədli film çəkilib. Filmin müəllifi …