Ana səhifə / Cəmiyyət / Bəhram Bağırzadə nazirə müraciət etdi

Bəhram Bağırzadə nazirə müraciət etdi

Əməkdar artist Bəhram Bağırzadə elm və təhsil naziri Emin Əmrullayevə müraciət edib. Aktyor məktəblərdə şahmat üzrə dərs verilməsini istəyib. Paytxatda çəkdiyi fotonu yayımlayan Bağırzadə bunları qeyd edib:

“Hörmətli, elm və təhsil naziri! Uzun illərdir, Azərbaycanın böyük şahmat gücünə malik olduğu üçün şahmatın məktəb proqramına fənn kimi daxil edilməsinin zəruriliyindən yazıram. Bizim böyük şahmatçılarımız olub, var və olacaq. Amma biz irəli getmək istəyiriksə, vətəndaşlarımızın inkişaf etmiş intellektə, məntiqi təfəkkürə malik olmasını, cəld qərar qəbul etməyimizi istəyiriksə, şahmat kimi bir fənn lazımdır. Təəssüf ki, bütün müraciətlərim sadəcə müraciət olaraq qalıb. Bizim “qonşularımız” isə çoxdan şahmatı məktəb proqramına daxil edib və yaxşı nəticələr əldə edirlər. Bunu etməsək də hər şeyə rəğmən, hər il yeni, istedadlı şahmatçılarımız gəlir. Şahmat məktəb təhsilinin bir hissəsinə çevrilsə, nə baş verəcəyini təsəvvür edə bilərsinizmi!?

Şəkil yarım saat əvvəl Bakı şəhərinin həyətlərindən birində çəkilib, burada bir müddət əvvəl şahmat məktəbi yerləşirdi və indi ətriyyat mağazasına çevrilib. Ona görə də gözəl bakılı uşaqlarımız metal qarajların damında şahmat oynamalı olurlar”.

Həmçinin oxuyun

Vüsalə Mənsimova Mübariz və Mais Mənsimovları məhkəməyə verdi

Məşhur azərbaycanlı iş adamı, “Palmali” şirkətlər qrupunun sahibi Mübariz Mənsimov və qardaşı Mais Mənsimov barəsində …